Arcadio López Casanova: "Ollas a terra sen ollas pois nada"

 Ollas a terra sen ollar pois nada

tes, corazón, e nada tes: calados

bater do mar, bater, son desterrado,

vouga vaga de noite desvelada.

 

Xabre de soño sen soñar, soñada,

vida, rendida vida, xerfa, atado

corazón, nada tes, e nada, arado

corazón, nada tes, Morte anainada.

 

Morte anainada, corazón dos días,

ti qué querías, corazón, querías

amar, vivir, vivir, e non tes Terra

 

onde axionllar siquer teu aturdimento,

onde cavar a voz do desalento

teu, ora que a alta Noite te desterra.

 

Arcadio López Casanova: Mesteres (1976)