Breve historia da literatura galega, para non andar perdido/a

Aquí vos deixo unha brevísima historia da literatura galega. Con menos palabras non se pode dicir!

Breve historia da literatura galega from beabar

Aprender literatura en internet

Internet está cambiando o modo de aprender. Tamén de aprender literatura. Xa non hai que ir á biblioteca e buscar nunha enciclopedia a información sobre un autor ou unha obra. Agora a rede nos ofrece a maior enciclopedia do mundo: podemos buscar información sobre un escritor ou escritora, pero tamén podemos saber o que os críticos e os lectores pensan da súa obra, podemos observar a súa vida en imaxes, podemos ver presentacións didácticas dos distintos períodos literarios e mesmo podemos ler directamente os textos. O acceso inmediato á información e aos propios textos dos autores abre un enorme campo á nosa curiosidade.

Para a literatura galega hai páxinas interesantes que non podemos deixar de visitar. Para coñecer a vida e obra dos nosos autores e autoras pódese consultar evidentemente a galipedia, moi actualizada e con referencias de practicamente todos os escritores da historia da nosa literatura, mesmo aqueles menos coñecidos. Bastará con teclear no buscador o nome . O mesmo tipo de información, dun xeito máis sinxelo ofrece a páxina "autores galegos" Se o que buscamos son textos, resulta imprescindible a páxina da Biblioteca Virtual Galega, onde non só nos ofrece datos biográficos e a bibliografía dos autores, senón que podemos atopar tamén moitos dos seus textos, algúns deles escaneados das publicacións orixinais, así como arquivos sonoros con poemas lidos. Unha páxina imprescindible para coñecer as cantigas medievais galego-portuguesas é a páxina portuguesa Cantigas medievais galego-portuguesas onde atopamos todos os textos dos nosos cancioneiros. Para coñecermos os nosos autores de hoxe, podemos consultar a páxina da Asociación de escritores en lingua galega.

Non é un elenco exhaustivo, pero non está mal para empezar.

Intencións

Non é fácil atopar en internet moitos poemas en galego dos autores e autoras clásicos e contemporáneos, en realidade cada vez é máis difícil atopar material en galego na rede. Sen embargo os nosos escritores e escritoras teñen un ben merecido espazo, e sobre todo, hoxe en día en que cada vez a lectura dixital vai gañando terreo á lectura en papel, resulta imprescindible que os textos dos e das poetas galegos estean dispoñibles tamén neste soporte. Espero que este espazo colectivo, construído coa axuda do meu alumnado, sirva para dar difusión dixital a parte da nosa tradición literaria.